ແຜນອາຫານຈາກນັກໂພຊະນາການ, ອາຫານຈາກຄົວ, ແລະ ຄອບຄົວຮູ້ນຳ

ເຮັດຫຍັງໄດ້

ຈາກແຜນ ເຖິງຈານອາຫານ

• ວັດຖຸດິບ ແລະ ອາຫານ ພ້ອມສານອາຫານ

  ຫ້ອງສະໝຸດວັດຖຸດິບທົ່ວໄປທີ່ໃຊ້ຮ່ວມກັນ ແລະ ວັດຖຸດິບຂອງແຕ່ລະອົງກອນ, ຄົ້ນຫາໄດ້ທັງພາສາລາວ ແລະ ອັງກິດ. ອາຫານແມ່ນສູດຈາກວັດຖຸດິບເຫຼົ່ານັ້ນ, ຄິດໄລ່ສານອາຫານຕໍ່ຄາບ ແລະ ສານກໍ່ພູມແພ້ ຈາກສ່ວນປະກອບ.

• ອາຫານສະເພາະໂລກ ທີ່ເຊັນແລ້ວ

  ຊື່ອາຫານສະເພາະໂລກທີ່ໃຊ້ຮ່ວມກັນ ແລະ ຂອງແຕ່ລະຄລີນິກ, ມີຂີດຈຳກັດຕໍ່ຄາບ ແລະ ລັກສະນະອາຫານ. ອາຫານແຕ່ລະຢ່າງບອກວ່າເໝາະ ຫຼື ບໍ່ ແລະ ເພາະຫຍັງ.

• ແຜນອາຫານ

  ນັກໂພຊະນາການຕັ້ງເປົ້າໝາຍ ແລະ ອາຫານແຕ່ລະມື້ ລ່ວງໜ້າຫຼາຍອາທິດ ແລ້ວເຊັນແຜນ. ຖ້າມີການປ່ຽນແປງ ລາຍເຊັນຈະຖືກລຶບ ຈົນກວ່າຈະເຊັນໃໝ່.

• ກິນແລ້ວ ແລະ ການວັດແທກ

  ແຕ່ລະຄາບ ຄົນເຈັບ ຫຼື ຍາດພີ່ນ້ອງ ໝາຍວ່າກິນໝົດ, ເຄິ່ງໜຶ່ງ ຫຼື ບໍ່ໄດ້ກິນ. ນ້ຳໜັກ, ນ້ຳຕານໃນເລືອດ ແລະ ຄວາມດັນເລືອດ ຖືກເກັບໄວ້ຕາມເວລາ ໃຫ້ນັກໂພຊະນາການຕິດຕາມ.

• ວົງການດູແລ

  ເຊີນຍາດພີ່ນ້ອງດ້ວຍລິ້ງ ຫຼື QR ທີ່ໃຊ້ໄດ້ເທື່ອດຽວ, ແຕ່ລະຄົນຢູ່ລະດັບທີ່ກຳນົດວ່າເຫັນຫຍັງ. ເກັບບັນທຶກໃຫ້ພໍ່ແມ່ທີ່ບໍ່ມີໂທລະສັບໄດ້. ທຸກເທື່ອທີ່ມີຄົນເປີດເບິ່ງບັນທຶກ ຈະຖືກຂຽນໄວ້ ແລະ ເຈົ້າຂອງເຫັນວ່າໃຜເບິ່ງ.

• ຄົວ ແລະ ອໍເດີ

  ຄົວເກັບເມນູ, ລາຄາ, ເວລາເປີດ ແລະ ເຂດສົ່ງພ້ອມຄ່າສົ່ງໃນແຜນທີ່. ລູກຄ້າສັ່ງຈາກແຜນ ຫຼື ເມນູ ທີ່ກັ່ນຕອງຕາມອາຫານສະເພາະໂລກ ແລະ ການແພ້; ຄົວຮັບອໍເດີ ແລະ ໝາຍວ່າຈ່າຍເງິນສົດ ຫຼື ໂອນແລ້ວ.

• ເຂົ້າລະບົບດ້ວຍ LohnCC

  ຄົນເຈັບ ແລະ ຍາດພີ່ນ້ອງ ເຂົ້າລະບົບດ້ວຍບັນຊີ LohnCC ບໍ່ຕ້ອງມີບ່ອນເຮັດວຽກຂອງທຸລະກິດ. ຜູ້ດູແລ ແລະ ນັກໂພຊະນາການ ໃຊ້ການເຂົ້າລະບົບສອງຂັ້ນ ເພາະເຂົາເຫັນຂໍ້ມູນສຸຂະພາບ.